د ایران د اقتدار شهيدانو د جنازو د دستورو په باب په بهرنیو رسنیو کې انعکاس

ایکنا - د شنبې په ورځ، د ۱۴۰۴ کال د سرطان ۷ ، بهرنیو سیمه ایزو اونړیوالو  رسنیو د ایران د اسلامي جمهوریت پر خاورې باندې د صهیونیستي رژیم د وروستي تېري  د شهيدانو د جنازو دستورې په ژوندۍ بڼه خپارې کړې. 

د ایکنا د راپور له مخې، د تهران په اسلامی انقلاب میدان یا  چوک کې د صهیونیستي رژیم په تیریګرو بریدونو کې  د شهيدانو د  جنازو د دستورو له پیل سره سم، عربي او غیر عربي رسنیو دغو مراسمو ته پراخ  پوښښ  او انعکاس ورکړ او ټینګار یې وکړ چې دا مراسم د ایران د خلکو په پراخ ګډون سره ترسره کیږي. 

د فرانسې خبري اژانس:

د فرانسې خبري اژانس(فرانس پریس آژانس )پرون (شنبه) ولیکل چې  په تهران کې د کابو۶۰ کسانو، په شمول د پوځي  قوماندانانو، چې له صهیونیستي رژیم سره په جګړې کې شهيدان شوي،  د ولس په میلیوني شتون  سره  ئې د جنازو دستورې ترسره شوې.

د دغه خبری آژانس  په راپور کې راغلي: د اسرائیلو د بریدونو په پایلې کې د مړو شویو  ایټمی ساینسپوهانو او پوځي قوماندانانو او ان د  ماشومانو د جنازو مراسم د سهار ۸:۰۰ بجو څځه  د تهران په ځای  وخت پیل شول. البته خلک له سهار وختی  د تهران پوهنتون په شاوخوا واټونو کې غونډ شوي وو.

سي‌ان‌ان:

د سي‌ان‌ان ټيلیوژنی چینل ویب‌پاڼې ولیکل چې په تهران کې لوی شمېر خلک راټول شوي او د بیرغونو او  پوسټرو په پورته کولو سره یې د ۶۰ کسانو یاد تازه کړ، چې د ایران او صهیونیستي رژیم ترمینځ د ۱۲ ورځنۍ جګړې په بهیر کې د لوړ پوړو پوځي چارواکو او  ایټمی ساینسپوهانو په توګه شهيدان شوي دي. 

آسوشیتدپرس:

د آسوشیتدپرس خبري اژانس په یوه راپور کې ولیکل: پرون  لسګونو زره  عزاداران د تهران د مرکزي واټونو پر لور روان شول څو د سپاه پاسداران د قوماندان، نورو لوړ پوړو پوځي قوماندانانو او  ایټمی ساینسپوهانو جنازې ، چې له وحشي او تیریګر صهیونیستي رژیم سره په ۱۲ ورځنۍ جګړې کې شهيدان شوي، ترسره کړي. 

المیادین:

د المیادین خبری  چینل  خبریال، چې د تهران په اسلامی  انقلاب میدان کې موجود و، راپور ورکړ چې لوی شمېر خلک د صهیونیستي رژیم د بریدونو د ۶۰ شهيدانو د  جنازو د مراسمو لپاره په دغه میدان کې راټول شوي دي. 

المنار:

د المنار  خبری چینل راپور ورکړ چې پرون  له سهار وختي، حتی د مراسمو له پیل مخکې، د ایران خلک د دې شهيدانو سره د خپلې مینې د څرګندولو لپاره د مراسمو په ځای کې حاضر شول. 

د الحدث چینل  (سعودي عربستان):

د سعودي عربستان د الحدث چینل د ایران د اقتدار د شهيدانو د جنازو مراسمو ته په ژوندۍ پوښښ کې د دغو مراسمو کې د خلکو ګډون پراخ وباله. 

اسپوتنیک:

د روسيې د «اسپوتنیک» خبري اژانس عربي څانګې د «ایران د پوځي قوماندانانو او ایټمی ساینسپوهانو په غم کې» تر سرلیک لاندې د تهران  «د اقتدار  د ۶۰ شهيدانو» د جنازو د دستورو انځورونه او راپورونه خپره کړل.

د صهیونیستي رژیم د تروریستي برید په پایله کې د شهيد شویو یو شمېر سردارانو، قوماندانانو، هستوي ساینسپوهانو او خلکو د پاکو جسدونو تشييع مراسم نن سهار، د شنبې په ورځ، د ۱۴۰۴ کال د سرطان ۷مه، چې د محرم الحرام له دویمې ورځې سره سمون لري، د پوځي او ملکي چارواکو او د خلکو د بېلابېلو قشرونو په حضور سره پیل شول. د ایران قدردانه او حماسه‌جوړوونکی ملت د ملي اقتدار د ۶۰ شهيدانو او د وطن د اتلانو پاک جسدونه په درنښت سره بدرقه کړل. 

https://iqna.ir/fa/news/4291287